ریاض ۔ 24 دسمبر (اے پی پی) سعودی عرب دے فرمانروا شاہ سلمان بن عبدالعزیز آکھیے جوامت دے چیلنجزکیتے اتحاد امت ضروری اے،خطے اچ امن و استحکامم اتے عالم اسلام دے اتحاد کیتے پاکستان دا کردار قابل تعریف اے،مسئلہ کشمیر سودھے سارے مسلیاں کوںمذاکرات نال پر امن حل کرنڑاچاہیدے،پاکستان دی تعمیر و ترقی کیتے سعودی عرب پاکستان نال ہتھ ونڈیندا راہسی۔اے گالھ انہاں شاہی محل اچ سپیکر قومی اسمبلی اسد قیصر دی اگوانڑی اچ پارلیمانی وفدنال ملنر ویلھے آکھی۔ وفد اچ سپیکر قومی اسمبلی اسد قیصرسودھا حکومتی و اپوزیشن جماعتاں دے ارکان گئے ہوئن۔سپیکر قومی اسمبلی اسد قیصر سعودی فرمانروا شاہ سلمان بن عبدالعزیز کوں کشمیر دی صورتحال اتے ایندے تے پاکستان دا موقف ڈسایا۔ملاقات اچ اتحاد امت مسلم،ڈوطرفہ تعاون، آپسی تعلقات اتے پارلیمانی و اقتصادی گانڈھے تے زور ڈتا گئے۔
