برسلز ۔ 6 جنوری (اے پی پی) یورپی یونین دے ہائی کمشنر خارجہ تعلقات و سلامتی پالیسی جوزف بوریل ایران دے وزیر خارجہ جواد ظریف کوں برسلز دے دورے دی دعوت ڈتی اے ۔یورپی یونین دے شعبہ خارجہ تعلقات ” ای ای ایس“ توں جاری تحریری بیان دے مطابق بوریل کل ظریف دے نال ٹیلی فونک ملاقات کیتی جیں اچ انہاں ایران دی قدس فورسز دے کمانڈر جنرل قاسم سلیمانی دے قتل اتے اجوکے ڈینھاں اچ عراق اچ ودھدی کشیدگی تے تشویش دا اظہار کیتے ۔بوریل کشیدگی گھٹ کرنڑ تے اعتدال دا رویہ اختیار کرنڑ دی اہمیت تے زور ڈتے ، انہاں ظریف نال ایران دے جوہری سمجھوتے تے وی گال کیتی تے آکھیا جو سمجھوتہ گلوبل سلامتی کیتے اہمیت رکھیندے تے کوآرڈینٹر دی حیثیت نال میں ایں سمجھوتے نال وابستہ ہم۔
