تہران ۔ 8 جنوری (اے پی پی) یوکرین دا مسافر طیارہ ایرانی دارالحکومت تہران توں پرواز دے تھوڑی دیر بعد ڈھہہ تے تباہ تھی گیا ۔ فرانسیسی خبر رساں ادارے ایران دے سرکاری ذرائع ابلاغ دے حوالے نال ڈسائے جو حادثے اچ مسافر طیارے اچ سوار167لوک تے عملے دے 9 ارکان ہلاک تھی گن ۔ یوکرین دی قومی فضائی کمپنی دی پرواز پی ایس۔752 بدھ دی سویل تہران توں یوکرین دے دارالحکومت کیف روانہ تھئی ہئی۔ ایران اچ ہلال احمر دے سربراہ مسافر طیارے تے سوار لوکاں دی تعداد 170ڈسائی اے تے آکھیے جو حادثے اچ کہیں دی زندہ بچ ونجنڑ دا کوئی امکان کائنی ۔انہاں آکھیے جو ڈاہ ایمبولینس گاڈیاں حادثے دی جاہ تے روانہ کرڈتیاں گن ۔
