بغداد ۔ 9 جنوری (اے پی پی) عراق اچ ایرانی جنرل قاسم سلیمانی تے امریکی حملے دے بعد بدھ کوں عراق اچ امریکی فوج تے ایران دے میزائل حملیں دے بعد بہوں سارے علاقائی تے بین الاقوامی ایئرلائنزاپنڑے روٹ بدال ڈتن ۔العریبیہ نیوز دے مطابق امارات ایئرلائنز اتے فلائی دبئی دبئی توں بغداد اتے بغداد توں دبئی کیتے اپنڑیاں پروازاں منسوخ کرڈتن ، بحرین دی گلف ائیر لائن وی بغداد تے النجف کیتے اتھوں منامہ کیتے اپنڑیاں پروازاں بند کرڈتن ۔ڈوجھے پاسے فلائی دبئی توجہ ڈیوائی اے جو او مسافر پروازاں دی منسوخی توں متاثر تھن او متعلقہ حکام نال مسلسل رابطے اچ ہن ۔ایں ضمن اچ امریکی محکمہ شہری ہوا بازی عراق اتے ایران دے اتوں مسافر طیاریں دی پرواز تے پابندی لاونڑ دا اعلان کیتے ۔
