واشنگٹن ۔ 10 جنوری (اے پی پی) امریکی ایوانِ نمائندگان صدر ڈونلڈ ٹرمپ دے جنگ دے اختیارات محدود کرنڑدی قرار داد 194 دے مقابلے اچ 224 ووٹاں نال منظور کر گھدی اے۔امریکی نشریاتی ادارے وائس آف امریکہ دے مطابق ایوان نمائندگان دے اجلاس اچ امریکہ اتے ایران وچال اجوکے جھیڑے پاروں پیدا تھیونڑ آلی صورت حال دے پیش نظر ایوان اچ ہک قرارداد پیش کیتی گی جیں دے تحت صدر دے جنگ دے اختیارات گھٹ کرنڑیں ہن ۔حزب اختلاف دی جماعت ڈیموکریٹس پارٹی دی اکثریت آلے ایوان توں منظوری دے بعد اے قرار داد منظوری کیتے سینیٹ اچ ویسی جتھاں حکمران جماعت ری پبلکن پارٹی دی اکثریت اے۔وائٹ ہاﺅس دے ترجمان آکھیے جو ڈیموکریٹس دا جنگ دے صدارتی اختیارات دے حوالے نال چاتا گیا اقدام ہک مذاق تے سیاسی اے ۔ترجمان آکھیے جو ایران مسلسل امریکی شہریاں کوں نشانہ بنڑیندا پئے تے ایوان ِ نمائندگان دا اقدام امریکی شہریاں دی حفاظت کیتے امریکی صلاحیت کوں ضیان پجا سگدے ۔
