وزیراعلیٰ عثمان بزدار چھیاسی سالہ بڈھڑے بابے رمضان ثانی دی ذہانت توں متاثر، 50ہزار روپے انعام دا اعلان

اسلام آباد ۔ 15 جنوری (اے پی پی)وزیر اعلیٰ پنجاب سردار عثمان بزدار تونسہ شریف دے ملتان اچ رہنڑ آلے چھیاسی سالہ بابا رمضان ثانی دی ذہانت بارے سوشل میڈیا تے وائرل ویڈیو توں بہوں متاثر تھین اتے انہاں کوں 50ہزار روپے انعام ڈیونڑ دا اعلان کیتے۔وزیراعلیٰ دی ہدایت تے اسسٹنٹ کمشنر ملتان سٹی عابدہ فریدنقد انعام بابا رمضان ثانی کوں ڈتے جیڑھے ایں عمر اچ وی اخبار ویچ تے محنت نال روزی کماندن۔بابا رمضان ثانی تونسہ دی وستی جڑھ لغاری اچ 1935کوں جمین اتے پہلی تعلیم وستی بزدارتوں گھدی۔بابا رمضان وزیر اعلیٰ پنجاب سردارعثمان بزدار دے والد سردارفتح محمد بزدار دے ہم جماعت وی ہین۔او 1955توں ملتان اچ وسدن اتے 66 سال توں سائیکل تے اخبار ویچیدندن۔انہاں دی ذہانت اتے یاداشت کمال اے جیندی سوال جواب دی ویڈیوسوشل میڈیاتے بہوں چلدی پئی اے۔بابا رمضان باوی سال پہلے وزیراعظم عمران خان دے رلے کھاونڑا وی کھادا ہا اتے او آہدن جیکرپاکستان دااپنڑی آمدن دا پنجواں حصہ بچت کیتا وینداتاں اج ملک ترقی یافتہ ہوندا۔