کمیٹی دا کمزور نظام صحت آلے ملکاں اچ وائرس دے پھیلاوتے چنتا ،سارے ملکاں کوں سرحد پاراے بیماری پھیلنڑ توں روکنڑاتے گھٹ کرنڑ سانگے موثر نگرانی، تیاری اتے روک تھام دے اقدامات دی ہدایت
جنیوا۔31جنوری(اے پی پی)عالمی ادارہ صحت دی ہنگامی کمیٹی دا اجلاس تھئے جیں چین توں بئے ملکاں اچ تیزی نال پھیلنڑ آلے کورونا وائرس کوں بین الاقوامی ہنگامی صورتحال قرار ڈیندے ہدایت کیتی اے جو سارے ملکاں کوں سرحد پاراے بیماری پھیلنڑ توں روکنڑاتے گھٹ کرنڑ سانگے موثر نگرانی، تیاری اتے روک تھام دے اقدامات کرنڑے چاہیدن۔ عالمی ادارہ صحت (ڈبلیو ایچ او)دے ڈائریکٹر جنرل ٹیڈروس ایدھانوم گیبریاسس اے گالھ کرونا وائرس دے 18 ملکاں تئیں پھیلنڑتے عالمی ادارہ صحت دی ہنگامی کمیٹی اجلاس دے بعد کیتی۔جنیوااچ نیوز کانفرنس کریندے انہاںا ٓکھیا جو ایں وائرس دی تیزی نال پھیلنڑ چنتے دی گالھ اے،ہنگامی صورتحال دا مقصد چین تے عدم اعتمادبالکل نئیں،چنتے دی گالھ اے ہے جیکر اے وائرس اینجھے ملکاں اچ نہ پھیل ونجے جتھاں نظام صحت پہلے ہی کمزور اے۔ایں توں پہلے عالمی ادارہ صحت دی کمیٹی بیماری بارے بیاں معلومات اتے بئے ملکاں اچ وائرس دے انساناں اچ پھیلنڑدےمصدقہ شواہدمبگیے ہن تاں جو عالمی ہنگامی صورتحال قرار ڈیونڑ دا معیار ماپیا ونج سگے۔کمیتی تجویز ڈتی اے جو سارے ملک سرحد پار ایں بیماری دا پھیلاوروکنڑ اتے گھٹ کرن سودھاتجارتی اتے سفری معاملات اچ غیرضروری مداخلت توں احتیاط کرن جڈاں جو ایندی نگرانی، تیاری اتے روک تھام دے اقدامات بئے چنگے کیتے ونجن۔
