معروف روحانی شخصیت اتے گردیزی خاندان دے سربراہ راجوشاہ گردیزی انتقال کرگن

ملتان ۔ 3 فروری (اے پی پی) معروف روحانی شخصیت،گردیزی خاندان دے سربراہ اتے خانقاہ حضرت شاہ یوسف گردیز دے سجادہ نشین الحاج مخدوم سید محمد راجو شاہ گردیزی علالت دے بعد سنوار کوں انتقال کرگن ۔انہاں دی عمر 85سال ہئی ۔راجو شاہ گردیزی کوں خاندان دے علاوہ سیاسی ،سماجی و مذہبی حلقیں اچ احترام نال ڈٹھا ویندا ہئی ۔او ہک روحانی شخصیت دے طور تے جانڑیے ویندے ہن۔ او سیاست توں ہمیشہ پرے رہیے ۔راجو شاہ گردیزی دے انتقال دی خبر ملدے ہی گردیزی خاندان دے لوکاں تے عقیدت منداں دی وڈی تعداد شاہ گردیز پج گئی ۔انہاں دی نماز جنازہ 8فروری کوں 8وجے رات خانقاہ حضرت شاہ یوسف گردیز اچ پڑھی ویسی تے انہاں کوں مزار دے احاطے اچ دفنایا ویسی ۔