راولپنڈی ۔ 10 فروری (اے پی پی) پاکستان پہلے کرکٹ ٹیسٹ میچ اچ بنگلہ دیش کوں اننگز اتے 44 رنزتوں ہرا تے ڈو میچاں دی سیریز اچ 1-0 دی وتھی گھدی اے۔ٹیسٹ دے چوتھے ڈینھ بنگلہ دیشی ٹیم اپنڑی ڈوجھی اننگز اچ 168 رنز تے آﺅٹ تھی گئی۔ نسیم شاہ اتے یاسر شاہ چار، چار کھلاڑی آﺅٹ کیتن اتے نسیم شاہ کوں میچ دا بہترین پلیئر قرار ڈتا گئے۔چوتھے ڈینھ بنگلہ دیش ڈوجھی نامکمل اننگز 126 رنز 6 کھلاڑی آﺅٹ تے ولا شروع کیتی بھل کپتان مومن الحق 37کل دے سکور اچ صرف چار رنز ودھارا کرنڑ توں بعد شاہین شاہ آفریدی داشکار بنڑگین اتے 156دے مجموعی سکورتے روبیل حسین وی محمد عباس دی بال تے5 رنز بنڑا تے ول گین۔ایں موقع تے یاسر شاہ ،لٹن داس کوں 29تے ایل بی ڈبلیو کیتے اتے ابو جائیدکوں وی شکار بنڑائے جیندے نال بنگلہ دیش دی پوری ٹیم اپنڑی ڈوجھی اننگز اچ 168 رنز تے آﺅٹ تھی گئی اتے اوکوں ہک اننگز اتے 44 رنزتوں شکست تھئی۔نسیم شاہ کیریئر بیسٹ پنج وکٹاں گھدن جیندے اچ ہیٹرک وی شامل اے جڈاں جو یاسر شاہ چار شکار کرنڑ اچ کامیاب رہین۔شاہین شاہ آفریدی اتے محمد عباس ہک ہک وکٹ گھدی۔بنگلہ دیشی ٹیم پہلی اننگز اچ 233 رنز تے آﺅٹ تھی گئی ہئی جیندے ولدے اچ پاکستان 445 رنزبنڑائے ہن۔
