بلوچستان اچ دہشتگرداں دی فائرنگ نال شہید تھیونڑ آلاایف سی دا جوان لانس نائیک محمد وسیم تونسہ شریف اچ فوجی اعزازنال مٹی دے حوالے

اسلام آباد۔11فروری(اے پی پی)بلوچستان دے علاقے تربت اچ دہشتگرداں دی فائرنگ نال شہید تھیونڑ آلے ایف سی دے جوان لانس نائیک محمد وسیم کوں تونسہ شریف دی وستی سوکڑاچ فوجی اعزازنال مٹی دے حوالے کر ڈتا گئے۔شہید دے نماز جنازہ اتے تدفین اچ وڈی تعداد اچ عمائدین علاقہ ،معززین اتے عام شہری آئن اتے شہید دی قربانی کوںخراج عقیدت پیش کیتے۔ایں موقع تے ایف سی دے دستے شہید دے جسد خاکی کوں گارڈ آف آنرڈتے اتے شہید دے پیو عطا محمد ملغانی کوں قومی پرچم عطا کیتے۔شہید دے بڈھڑے پیو عطا محمد ملغانی نینگر پتر دی شہادت تے مانڑ کریندے ہوئے آکھیے جو میں ہک کیا اپنڑے سارے پتر وطن تے وارنڑ کوں تیار ہاں۔شہید دے بھرا محمدسلیم ملغانی دا آکھنڑ ہا جو شہیدبھرا کوں شوق شہادت ہی ایں مرتبے تے گھن گئے جیندے تے ساکوں مانڑ اے جو اوندی سک پوری تھئی اے،جیکر وطن سڈا ڈتا تاں اساں سارے بھرا مادر وطن تے مر مٹنڑ توں پچھو نہ ہٹسوں۔