کابل ۔ 29 فروری (اے پی پی) امریکہ طالبان امن معاہدہ توں پہلے امریکہ اتے افغان حکومت کابل اچ ہک مشترکہ اعلامیہ جاری کیتے جیندےا چ آکھیا گئے جو امریکہ اتے نیٹو 14مہینے اچ افغانستان توں فوجی انخلا مکمل کریسن،امریکہ امن معاہدے دے بعد 135ڈینھ اچ افغانستان اچ فوج دی تعدادگھٹا تے طالبان نال وعدیداں تے عمل کریسی۔اے اعلامیہ افغان صدر اشرف غنی، امریکی سیکرٹری دفاع مارک ایسپر اتے نیٹو سیکرٹری جنرل جینز سٹولٹن برگ دی ملاقات دے بعد جاری کیرتا گئے۔ایں ویلھے افغانستان اچ 14ہزار امریکی تے 39نیٹو اتحادی ممالک دی 19ہزار افواج تعینات ہین،معاہدے توں بعد امریکا 135ڈینھ اچ افغانستان اچ اپنڑی فوج دی تعداد 8600تئیں گھٹا تے طالبان نال کیتے گئے بئے وعدیاں تے عملدرآمد کریسی، 29مئی تئیں افغان حکومت طالبان ارکان کوں سینکشن لسٹ توں ہٹاونڑ کیتے یو این سلامتی کونسل نال رابطہ کریسی۔امن معاہدہ اچ کابل اچ افغان حکومت نال مذاکرات دا آغاز اتے جیل توں پنج ہزار طالبان ارکان دی رہائی دی تجاویز وی شامل ہین،فریقین ہزاراں قیدیاں دے تبادلے تے اتفاق کیتے جیڑھا دوحہ اچ تاریخی امن معاہدے دا حصہ اے جو 10 مارچ تئین طالبان دے 5 ہزارتوںودھ قیدیاں اتے افغان فورسز دے 1 ہزار قیدیاں کوں رہاکیتا ویسی ۔
