مظفرگڑھ ۔5 مارچ (اے پی پی) مظفرگڑھ دی تحصیل جتوئی اچ آسمانی بجلی ڈھنڑ پاروں سکول ونجنڑ آلے ڈو بال جاں بحق تھی گن ۔تفصیل دے مطابق جتوئی دے علاقے وستی اللہ بخش دے نیڑے علاقے موضع خالطی اچ ڈو بال موٹر سائیکل تے گورنمنٹ پرائمری اسکول خالطی ویندے پئے ہن جو آسمانی بجلی انہاں دے اتوں آن ڈٹھی جیں پاروں موقع تے جاں بحق تھی گن ،مظفرگڑھ ضلع دے مختلف علاقیں جتوئی،کوٹ ادو،شاہجمال خانپور علی پور اچ مینھ وسنڑ دا سلسلہ جاری اے ودھ سارے مینھ پاروںکاروبار زندگی معطل تھی تے رہ گے ،دفتر ونجنڑ آلے ملازمین ،کاروباری حضرات اتے سکول ونجنڑ آلے بال پریشانی دا شکار ہن ۔
