اسلام آباد ۔ 10 مارچ (اے پی پی)ممتازلوک گلوکارپٹھانے خان دا 20واں ورھینڑاں منایا گئے ۔1926کوں مظفر گڑھ دی تحصیل کوٹ ادو تمبو آلی وستی اچ جمیے ۔ پٹھانڑیں خان ، خواجہ غلام فرید ، بلھے شاہ ، شاہ حسین تے ڈوجھے صوفی شعراءدیاں کافیاں گا تے شہرت پاتی ۔انہاں کوں لوک تے صوفی موسیقی اچ ودھ ساری خدمات تے 1979اچ صدارتی ایوارڈ نال نوازیا گیا ۔ پٹھانڑیں خان اج وی اپنڑے عارفانہ کلام اچ زندہ ہن ۔صدارتی ایوارڈ یافتہ گلوکار پٹھانڑیں خان دا اصل ناں غلام محمد ہئی ۔آپ کوں غزل، کافی، لوک گیتاں تے ودھ سارا کمال حاصل ہئی ، پٹھانڑیں خان کئی دہائیاں تئیں اپنڑی آواز دا جادو جگایا۔ پٹھانڑیں خان 79 مختلف ایوارڈز گھدے۔ سابق وزیر اعظم ذوالفقار علی بھٹو وی ایوان وزیراعظم اچ انہاں دے اعزاز اچ محفل سجائی ۔پٹھانڑیں خان دی آواز اچ درد دے نال ودھ ساری کشش ہئی تے ایں سانگے انہاں دا عارفانہ کلام سنڑدے ہی سامعین تے رقت طاری تھی ویندی ہئی ۔انہاں دے مشہور صوفیانہ کلام اچ ”میڈا عشق وی توں میڈا یار وی توں“ الف اللہ چنبے دی بوٹی مرشد من وچ لائی ہو “جندڑی لٹی تئیں یار سجن، کڈی موڑ مہاراں تے ول آوطن‘،” آ مل اج کل سوہنا سئیں“” وجے اللہ والی تار“،” کیا حال سناواں دال دا“شہرت دا باعث بنڑی۔پٹھانڑیں خان 74سال دی عمر اچ مختصر علالت دے بعد 2000اچ ایں فانی دنیا توں جھوک لڈا گئے ۔
