بیجنگ ۔ 20 مارچ (اے پی پی) کورونا وائرس دنیادے180 ملکاں اچ کھنڈ گے جیں دے بعد ہلاکتاں دی تعداد 10 ہزار50 تئیں پج گئی اے جڈاں جو متاثرین دی تعداد 2لکھ45 ہزار 6 سو 51 اے۔ اٹلی اچ کورونا وائرس توں 3 ہزار4 سو 5 بندے ہلاک تھئن جڈاں جو 41 ہزار 35 لوک متاثر ہن ، اٹلی اچ کورونا وائرس نال ہلاکتاں ودھ گن جڈاں جو چین اچ کورونا وائرس نال مرنڑ آلیں دی تعداد گھٹ تھئی اے ۔ چینی خبر رساں ادارے دے مطابق چین اچ کورونا وائرس نال مرنڑ آلیں دی تعداد 3 ہزار 2 سو48 تھی گئی اے ۔ ایران اچ عالمی وبا نال 12سو 84لوک موت دے منہ اچ گن ۔ امریکا اچ کورونا نال 2 سو18 بندے ہلاک تے 14ہزار3 سو21 لوک متاثر ہن ۔کیلی فورنیا دے گورنر گیون نیوسم آکھیے جو کیلی فورنیادی 56 فیصد آبادی کورونا وائرس توں متاثر تھیونڑ دا ڈر اے ۔لاس اینجلس اچ شاپنگ مراکز، انڈور مالز، غیر ضروری ریٹیل تجارتی سینٹر بند کر ڈتے گن ۔ ارجنٹائن لاک ڈاون کرنڑ آلا جنوبی امریکا دا پہلا ملک بنڑ گے ۔ بھارت اچ کورونا وائرس نال ہلاک تھیونڑ آلے لوکاں دی تعداد چار تھی گئی اے 194لوک متاثر ہن ۔ اقوام متحدہ دے سیکرٹری جنرل انتونیو گوتریس عالمی رہنماواں کوں ایں اوکھے ویلھے اچ رل تے کم کرنڑ دی اپیل کیتی اے ۔
