ملتان۔ 20 اپریل (اے پی پی) عوامی راج پارٹی دے سربراہ اتے سابق رکن قومی اسمبلی جمشید دستی آکھیا جوکورونا لاک ڈاﺅن دے موقع تے کتاباں ونڈنڑ تے ادارہ جھوک اتے ظہوردھریجہ کوں خراج تحسین پیش کریندوں،کتاباںونڈنڑ ہک بہترین عمل اے گھربہہ تے لوک کتاباں پڑھسن،علمی ادبی ماحول اتے کتاب نال دوستی بئی ودھسی۔انہاں اے گالھیں سرائیکستان قومی کونسل ولوں کورونا لاک ڈاﺅن دے موقع تے آگاہی مہم سرائیکی کتاباں ونڈنڑ دے موقع تے آکھی۔انہاں آکھیا جو کتاب توں ودھ تے کوئی ساتھی کائنی،کتاباںونڈنڑ ہک بہترین عمل اے گھربہہ تے لوک کتاباں پڑھسن،علمی ادبی ماحول اتے کتاب دوستی ودھسی۔۔ایں کیتے میں سرائیکستان قومی کونسل دے صدر ظہور دھریجہ کوں خراج تحسین پیش کرینداں تے وسیب کیتے انہاں دی خدمات تاریخی حیثیت اختیار کر گئن۔ایں موقع تے ظہور دھریجہ آکھیا جو ایں موقع تے ظہور دھریجہ آکھیے جو کورونا اموات اچ ودھارا تشویشناک اے ۔انہاں آکھیے جو اساں ڈے مالی وسائل تاں کائنی لیکن کتاباں موجود ہن اساں ونڈیندے پیوں ایں لحاظ نال جیں کنے جیرھا کجھ وی ہووے او کورونا وبا دے موقع تے ونڈے۔اے کائنات دے شروع توں گھن تے اج تئیں دا ہک ایجھا سانحہ اے جیں پوری کائناں کوں اپنڑی وکیڑ اچ گھن گھدے۔ایں موقع تے جمشید دستی اتے ظہور دھریجہ آونڑ آلے مہماناں اچ جھوک پبلشرز ولوں سرائیکی کتاباں دے تحفے پیش کیتے۔
