لاہور۔17 مئی(اے پی پی )حکومت پنجاب مربوط میکنیزیم دے ذریعے صارفین دے تحفظ کیتے فروختگی تے کڑی نظر رکھیندی پئی اے تاں جو صاف ستھریاں چیزاں کھاونڑ پیونڑ دیاں چیزاں کوں یقنی بنڑایا ونج سگے ۔اے گال معاون خصوصی وزیر اعلی پنجاب سید رفاقت علی گیلانی سبزی و فروٹ منڈ ی لیہ دا معائنہ کریندے ہوئیں آکھی اے ۔ایں موقع تے اسسٹنٹ کمشنر نیاز احمدمغل رلے ہن ۔ معاون خصوصی سیدرفاقت علی گیلانی سبزی و فروٹ منڈی دا دورہ کیتا ۔انہاں پرائس لسٹ ، سٹاک رجسٹر،انسداد کوروناانتظامات دی چیکنگ کیتی ۔انہاں بولی دے نظام کوں بہتر بنڑاونر تے ذخیرہ اندوزی توں اجتناب کرڑ دی ہدایت کیتی ۔انہاں آکھیے جو تاجر برادری توں سانجھی افہام تفہیم دے نال ریٹ لسٹ مقرر کیتے ویندن ایں کیتے مقررکیتے گئے ریٹ تے فروختگی کوں یقینی بنڑایا ونج سگے ۔رفاقت علی گیلانی آکھیے جو پنجاب حکومت صارفین دے تحفظ کیتے ہر ممکن قدم چیندی پئی اے ایں سلسلے اچ ضلعی انتظامیہ دے نال تعاون کریندے ہوئیں مصنوعی گراں فروشی ہرگزنہ کیتی ونجے ۔
