مظفرگڑھ ۔ 6 جون (اے پی پی)مظفرگڑھ، 12 سال دے ڈوبالاں تے ڈو درجن توں ودھ آوارہ کتیاں دا حملہ،ہک بال جاں بحق،ڈوجھا زخمی تھی گئیا ۔ریسکیو ذرائع دے مطابق مظفرگڑھ ڈی جی خان روڈ تے واقع موضع علی ڈا، بستی ملوکے اچ واقع پولٹری فارم دے نیڑے 12سال دے ڈو بالاں تے ہک درجن توں ودھ آوارہ کتیاں حملہ کر ڈتا،ہک بال محمد عرفان زخماں دی تاب نہ جھلیندیں ہوئیں موقع تے جاں بحق تھی گئیا جڈانجو ڈوجھا بال محمد اکبر بہوں زخمی تھی گئیا۔علاقے دے لوکاں دے مطابق پولٹری فارم آلے ہر ڈینھ مری ہوئی ککڑیں آوارہ کتیاں کوں کھاونڑ سانگے سٹینڈے ہن ۔کجھ ڈینھ توں ککڑیں دی گھٹکی پاروں آوارہ کتیاں بالاں تے حملہ کر ڈتا۔واقعے دی اطلاع ملدیں ای ریسکیو اہلکاراں ویلھے تے آپریشن کریندیں ہوئیں زخمی تھیونڑ آلے بال کوں طبی امداد ڈتی اتے ڈسٹرکٹ ہیڈ کوارٹر ہسپتال مظفرگڑھ پجا ڈتا۔آوارہ کتا زخمی تھیونڑ آلے بال دی ڈوہیں بانہہ دا گوشت کھمدا پئیا ہئی ۔پولیس مقدمہ درج کرتے تفتیش شروع کر ڈتی اے۔
