لاہور۔6جون (اے پی پی )وزیراعلیٰ عثمان بزدار دا مظفرگڑھ اچ بالاں کوں کتے پٹنڑ دے واقعے دا نوٹس،آرپی او ڈی جی خان توں رپورٹ منگ گھدی اے۔وزیراعلیٰ عثمان بزدار ہک بال دے جاں بحق تھیونڑ دے واقعے تے ڈکھ تے افسوس کریندیں ہوئیں بال دے لواحقین نال دلی ہمدردی اتے تعزیت کیتی۔وزیراعلیٰ زخمی بالاں کوں علاج دی چنگی سہولتاں ڈیونڑ دی ہدایت کریندیں ہوئیں آکھیا جو افسوسناک واقعے دی تحقیقات کر تے رپورٹ وزیراعلیٰ آفس بھجوائی ونجے اتے غفلت کرنڑ آلیاں دے خلاف بئی قانونی کاروائی کیتی ونجے۔
