مظفرگڑھ، 20 سال دے نینگر کوں زمیندار تشدد کر تے مار ڈتا

مظفرگڑھ ۔ 23 جون (اے پی پی) مظفرگڑھ دی تحصیل کوٹ ادواچ 20سال دے نینگر کوں زمیندار تشدد کر تے مار ڈتا ۔پولیس دے ذرائع دے مطابق حسنین کھوکر ناں دا نینگر نعیم ناں دے زمیندار موضع درگ اچ مزارع ہئی ،زمیندار کہیں گالھ تے کاو ڑ اچ آکراہیں حسنین کھوکر کوں کٹنڑ مارنڑ شروع کر ڈتا اتے جان توں مار ڈتا۔پولیس دے مطابق نینگر کوں بہوں ودھ کٹیا گئیا ہئی ،نینگر دی موت گچی گھٹنڑ اتے مارنڑ کٹنڑ نال تھئی اے۔مقتول بیوہ ماءدا کلھا پتر ہئی ۔پولیس نعش کوں ٹی ایچ کیو ہسپتال کوٹ ادو پجا ڈتے۔پولیس مقدمہ درج کر تے تفتیش شروع کر ڈتی اے جڈانجو ملزم اجاں کائنی پکڑیا گئیا۔