اسلام آباد ۔ 23 جون (اے پی پی)ہندو پنچایت اسلام آبادولوں اسلام آباد دے سیکٹر 9اچ ہک کرشنامندر گراﺅنڈ ریکنگ سیریمنی کیتی گئی ۔ایں موقع تے پارلیامینٹری سیکریٹری ھیومن رائٹس لال مالھی مہمان خاص ہن۔2017 اچ نیشنل کمیشن فار ھیومن رائٹس دے حکم تے سی ڈی اے ولوں اسلام آباد دی ہندو پنچائت کوں چار مرلے دا پلاٹ الاٹ کیتا گئیا ہئی ۔جئیں دی چار دیواری دا کم پنچایت ولوں شروع کر ڈتا گئیے۔اسلام آباد اچ 1947ءدے بعد بنڑنڑ آلا اے پہلا مندر ہوسی۔ایں ویلھے دارالحکومت اچ کوئی فنکشنل مندر کائنی۔ایں موقع تے گالھ مہاڑ کریندیں ہوئٰں اہم این اے لال مالھی آکھیا جو کشمیر اچ اقلیتاں کوں مسیت اچ ونجنڑ توں روکیا ویندا پئے اتے اساں اسلام آباد اچ شری کرشن بھگوان دے مندر بنڑیندے پیوں۔اے پاکستانی حکومت دی پالیسی اے جو اقلیتاں کوں حقوق ڈتے ونجن۔انہاں حکومت توں اپیل کیتی جو مندر بنڑاونڑ سانگے فنڈز ڈتے ونجن۔ایں موقع تے پنچایت دے ذمیواران پریتم داس، مجہش چودھری، اشوک کمار، چمن لال اتے بئے موجود ہن۔
