ملتان۔ 25 جولائی (اے پی پی)وزیر خارجہ شاہ محمود قریشی آکھیے جو جنوبی پنجاب صوبہ بنڑن اچ ویلھا لگسی،پنجاب دے آندے بجٹ اچ جنوبی پنجاب دا انجھ کتابچہ ہوونڑا چاہیدے،انجھ پبلک سروس کمیشن وی ڈتاونجے۔ملتان اچ پریس کانفرنس کریندے انہاں آکھیا جو میں چاہندان جو آونڑ آلے پنجاب دے بجٹ اچ سالانہ ترقیاتی پروگرام اچ جنوبی پنجاب دا انجھ کتابچہ رکھیا ونجے،جنوبی پنجاب پنجاب سیکرٹریٹ کیتے عملی کم تھیندا پئے، ایں سانگے ہک انجھ پبلک سروس کمیشن وی بنڑاونڑا چاہیدے۔شاہ محمود قریشی آکھیے جو انجھ صوبہ کیتے ساڈے کولواکثریت کائنی،جنوبی پنجاب صوبہ بنڑن نال لوکاں دے مسلے حل تھیسن بھل جنوبی پنجاب دا دارالخلافہ دا فیصلہ کجھ چنڑوے لوک نہ کریسن،اے میرٹ تے کیتا ویسی،میڈے مطابق صوبائی دارالحکومت ملتان کوں ہوونڑا چاہیدے۔
