ملتان ۔ یکم اگست (اے پی پی) وزیر خارجہ مخدوم شاہ محمود قریشی آکھیے جو جنوبی پنجاب کیتے کئی ڈھاکیاں توں آوازچاتی ویندی رہی اے بھل ایندے اچ وڈی پیشرفت پی ٹی آئی کیتی اے،جنوبی پنجاب سیکرٹریٹ علاقے دی ترقی کیتے اہم ثابت تھیسی۔ملتان اچ دربار حضرت بہاﺅالدین زکریاتے نماز عید پڑھنڑ توں بعد میڈیا نال گالھ مہاڑ اچ انہاں آکھیا جوجنوبی پنجاب سیکرٹریٹ بنڑیسی، میں وزیراعظم دی جنوبی پنجاب دے اراکین قومی اسمبلی نال گالھ کروائی اے اتے ساریاں گالھیں کھل تے تھین،جنوبی پنجاب دی فائل لاہورنہ ویسی،ایکوں سارے اختیارات ہوسن۔انہاں آکھیے جو جنوبی پنجاب صوبے دے خواب کوں تعبیر ڈیونڑ کیتے جنوبی پنجاب سیکرٹریٹ دا قیام پی ٹی آئی حکومت دا ہک تاریخی اقدام اے جیندے نال علاقے دی وقسمت وٹیج ویسی۔
