لیہ اتے تونسہ کوں رلاونڑ آلا پل تعمیر دے چھیکڑی مرحلے اچ آگئے

اسلام آباد ۔ 10 اگست (اے پی پی) جنوبی پنجاب دے ڈو اہم شہرلیہ اتے تونسہ کوں رلاونڑ آلا پل تعمیر دے چھیکڑی مرحلے اچ آگئے ۔آندے کجھ مہینے تئیں فنشنگ دا کم پورا تھی ویسی۔ نیشنل ہائی وے اتھارٹی دے حکام ’ اے پی پی کوں منصوبیاں دی تفصیل ڈسیندیں ہوئیں ااکھیا جو اے پل لیہ اچ دریائے سندھ اتے تونسہ دے مشرقی کنارے اتے ڈی جی خان اچ دریا دی مغربی وٹ تے بنڑایا ویندا پئے ۔ 2690 ملین روپے دے ایں منصوبے تے کم فروری 2018ءاچ شروع تھی کراہیں اتے اکتوبر 2017ءاچ ایکنک اے منصوبہ منظور کیتا ہئی ۔این ایچ اے دے ترجمان ڈسیا جو اے پل بنڑنڑ نال ڈوہیں شہراںاچ 55توں126کلومیٹر دا فاصلہ گھٹ تھی ویسی۔حکام ڈسیا جو ایں منصوبے نال انڈس ہائی وے اتے پنڈی بھٹیاں۔ ملتان موٹر وے ایم فور وچال لنک وی ڈتا ویسی۔