ڈھاکہ ۔ 26 اگست (اے پی پی) میانمار دی روہنگیا مسلمان اقلیت دے ارکان کوں جان بچا تے ہمسایہ ملک بنگلہ دیش اچ پناہ گھدے ترائے سال تھی گئن ۔میانمار اچ کورونا وائرس دی وباءاتے تشدد پاروں او حالی تئیں وطن واپس آونڑ توں قاصر ہن ۔2017ء اچ مسلح روہنگیا فورسز میانمار دی مغربی ریاست راخائن اچ پولیس تے فوج دی تنصیبات بھن تروڑ کیتی ہئی ،فوجی دستیں وڈے پیمانے تے مسلح کاروائی کیتی جیں پاروں ست لکھ لوکاں کوں ایں تشدد توں بھجنڑاں پئے گیا ۔پناہ گزین کیمپاں اچ مئی توں کورونا وائرس انفیکشنز کھنڈے پئن اتے حالی تئیں 79 متاثرین دی تصدیق تھئی اے ۔کیمپاں اچ صحت تے صفائی دی حالت بہوں خراب اے تے انفیکشنز ودھنڑ دا ڈر اے جیں پاروں اقوامِ متحدہ اتے بئے امدادی گروپاں دے عملے دی تعداد کوں گزریل سطح دے مقابلے اچ تقریباً 20 فیصد رکھیا گے ۔روہنگیا نسل دے لوکاں دی آبائی ریاست رخائن اچ فوجی دستیں تے مسلح باغیاں اچ ڈو سال توں لڑائی جاری اے ۔
