ریاض۔22اکتوبر (اے پی پی) خادم الحرمین شریفین شاہ سلمان بن عبدالعزیز سپریم کورٹ سانگے 13 ججاں دی تقرری دا شاہی فرمان جاری کرݙتے۔ سعودی خبررساں ادارے موجب وزیر انصاف تے اعلی عدالتی کونسل دے سربراہ ڈاکٹر ولید الصمعانی آکھیے جو خادم الحرمین شریفین شاہ سلمان بن عبدالعزیز سپریم کورٹ کیتے 13 ججاں دے تقرر دا شاہی فرمان جاری کرڈتے جیں نال سپریم کورٹ کوں آپݨے فرائض دی ادائیگی وچ سہولت تھی ویسی ۔ انہاں آکھیے جو شاہی فرمان اچ جیڑھے 13 ججاں دی تقرری کیتی ڳئی اے انہاں وچ ناصر بن فہد الخویر، محمد بن عبداللہ العمری، محمد بن مسفر الغامدی، ناصر بن عویض القحطانی، عبدالباقی بن محمد آل الشیخ مبارک، فہد بن ناصر السلیمان، عبداللہ بن عبدالرحیم الزھرانی، عبدالعزیز بن عبدالرحمن الکلیۃ، ابراہیم بن ناصر السحیبانی، ناصر بن سعود الحربی، احمد بن محمد المھیزع، ابراہیم بن عبدالعزیز الھویمل اتے محمد بن صالح الیحیی شامل ہن۔
