اسلام آباد۔3نومبر(اے پی پی)وفاقی وزیر صنعت و پیداوار حماد اظہر آکھیے جو حکومت ملکی صنعت دی مسابقت اچ ودھارے کیتے پاور ریلیف پیکیج دا اعلان کیتے، وزیراعظم دی ہدایات تے انرجی پرائسز اچ کمی نال تجارتی لاگت کم کرݨ دا فیصلہ کیتا گئے۔ منگل کوں وزیراعظم عمران خان دے نال صنعت بارے توانائی ریلیف پیکیج سانڳے بریفنڳ اچ انہاں آکھے جو ملک مثبت پاسے ویندا پئے اتے سیمنٹ، آٹو موبائل، ٹیکسٹائل، کھاد اتے تعمیراتی شعبہ اچ ودھ ترقی دی لوڑھ اے۔ انہاں آکیھے جو ساری صنعتاں کوں کہیں وادھو چارجز دے بغیر ݙینھ رات بجلی ݙیندے پئے ہیں۔ انہاں آکھیے جیکرکہیں انڈسٹری دا کنکشن بی ون، بی ٹو اتے بی تھری اے تاں جون تئیں وادھو یونٹس دے استعمال تے 50 فیصد رعایت ملسی۔ حماد اظہر آکھیے جو بی ون تا بی فائیو دی ساری صنعتاں کوں استعمال کیتےبجلی دے یونٹیں تے 25 فیصد ریلیف ملسی۔ انہاں آکھیے جو پیداوار ودھاوݨ کیتے بجلی دی لاگت اچ ڳھٹکی کرݨ ضروری اے اتے پیک آورز کوں ختم کرݨا ہوسی ۔ انہاں آکھیے جو پاور ریلیف پیکیج ملک اچ اقتصادی سرگرمیاں اچ ودھارےدے علاوہ روزڳار دے مواقع ودھا ݙیسی۔
