اسلام آباد۔10نومبر(اے پی پی)نیشنل الیکٹرک پاور ریگولیٹری اتھارٹی (نیپرا) پاکستان اچ بجلی دی مسابقتی ہول سیل مارکیٹ کوں فعال بݨاوݨ کیتے سی ٹی بی سی ایم دے تفصیلی ڈیزائن دی منظوری ݙے ݙتی۔ نیپرا توں جاری اعلامیہ موجب سی ٹی بی سی ایم دی منظوری نال پاکستان اچ بجلی دی مسابقتی ہول سیل مارکیٹ کھل سڳسی۔ سی ٹی بی سی ایم دے منظور شدہ تفصیلی ڈیزائن موجب مسابقتی بجلی مارکیٹ اپریل 2022 ء تئیں پاکستان اچ فعال تھی ویسی۔ اعلامیہ موجب سی ٹی بی سی ایم ملک دی بجلی دی طلب کوں پورا کرݨ کیتے کاروباری شفافیت، ادائیگی دے ضوابط اتے پیداواری صلاحیت دی دستیابی ڳھن تے آسی، سی ٹی بی سی ایم وڈے صارفین صنعتاں کیتے فیدہ مند ثابت تھیسی، سی ٹی بی سی ایم نال بجلی دی ہول سیل مارکیٹ دے بعد ریٹیل سیکٹر اتے ریجنل مارکیٹ کیتے راہ نکلسی، منصوبے کوں مکمل کرݨ کیتے نیپرا سی ٹی بی سی ایم دی مکمل مانیٹرنگ کریسی۔
