اسلام آباد۔20جنوری (اے پی پی):وزیر اعظم دے مشیر پارلیمانی امور ڈاکٹر بابر اعوان آکھیے جو حکومت سینیٹ اتے قومی اسمبلی دے اجلاس سݙݨ دا فیصلہ کیتے جیں دے مطابق قومی اسمبلی اتے سینیٹ دے اجلاس جمعے دی سویل تھیسن ۔ بدھ کوں ہک بیان اچ انہاں آکھیے جو پارلیمنٹ دا اجلاس سݙݨ کیتے انہاں وزیراعظم نال مشاورت کیتی اے ۔سینیٹ اتے قومی اسمبلی دا اجلاس ہکے ݙینھ سݙݨ تے …
سینیٹ اتے قومی اسمبلی دے اجلاس 22 جنوری کوں سݙݨ دا فیصلہ ، ڈاکٹر بابر اعوان
اسلام آباد۔20جنوری (اے پی پی):وزیر اعظم دے مشیر پارلیمانی امور ڈاکٹر بابر اعوان آکھیے جو حکومت سینیٹ اتے قومی اسمبلی دے اجلاس سݙݨ دا فیصلہ کیتے جیں دے مطابق قومی اسمبلی اتے سینیٹ دے اجلاس جمعے دی سویل تھیسن ۔ بدھ کوں ہک بیان اچ انہاں آکھیے جو پارلیمنٹ دا اجلاس سݙݨ کیتے انہاں وزیراعظم نال مشاورت کیتی اے ۔سینیٹ اتے قومی اسمبلی دا اجلاس ہکے ݙینھ سݙݨ تے اتفاق تھئے ۔ انہاں آکھیے جو پی ڈی ایم کوں عوام سڑکاں تے مسترد کرݙتے ایں سانگے سارے ہاؤس واپس آنڄن ۔انتشار دی بجائے عملی اتے عوامی خدمت کیتے ایوان اچ کردار ادا کرن ۔سینیٹ اتے قومی اسمبلی دے اجلاس 22 جنوری جمعہ کوں سݙیا ڳے ۔سینیٹ دا اجلاس سویلے10 وڄے اتے قومی اسمبلی دا اجلاس ساݙھے 10 وڄے تھیسی ۔اجلاس سݙݨ توں پہلے این سی او سی توں تحریری ہدایات وی ڳھدیاں ڳئن۔
