وزیر داخلہ شیخ رشید دا اسلام آباد ائیرپورٹ دا دورہ

اسلام آباد۔20جنوری  (اے پی پی):وفاقی وزیر داخلہ شیخ رشید بدھ کوں اسلام آباد ائیرپورٹ دا دورہ کیتے تے مسافراں کوں امیگریشن اینڈ پاسپورٹس اتے ایف آئی اے متعلقہ سہولتاں دا جائزہ ڳھدا ۔ دورے دے موقع تے ذرائع ابلاغ دے نمائندیں نال ڳالھ مہاڑ کریندے ہوئیں انہاں آکھیے جو اوورسیز پاکستانی اساݙا اثاثہ ہن،  ٻاہرلے ملک توں آوݨ آلے مسافراں کوں ݙتیاں ونڄݨ آلیاں سہولتاں اچ وسلائی برداشت نہ کیتی ویسی ۔ مسافراں دا بہترین خیال رکھݨ کیتے ایف آئی اے ،امیگریشن، اے ایس ایف اتے کسٹمز کوں خصوصی ہدایات جاری کیتیاں ڳئن ، سیکرٹری داخلہ، ڈی جی امیگریشن، اتے ایف آئی اے وی ایں موقع تے موجود ہن ۔