پاکستان دا زمین توں زمین تئیں مار کرݨ آلے شاہین تھری میزائل دا کامیاب تجربہ ،میزائل دی رینج 2ہزار 750کلو میٹر اے، آئی ایس پی آر

اسلام آباد۔20جنوری  (اے پی پی):پاکستان زمین توں زمین تئیں مار کرݨ آلے شاہین تھری میزائل دا کامیاب تجربہ کیتے ایں میزائل دی رینج 2ہزار 750کلو میٹر اے ۔ ڈائریکٹر جنرل آئی ایس پی آر ‘میجر جنرل افتخار بابر دے ٹویٹ دے مطابق شاہین تھری میزائل تجربے اچ ویپن سسٹم دے ٹینکیکل پیرامیٹرز کوں جانچیا ڳے ۔شاہین تھری میزائل تجربے دے موقع تے چیئرمین جوائنٹ چیفس آف سٹاف کمیٹی جنرل ندیم رضا ‘ ڈائریکٹر جنرل اسٹریٹجیک فورسز کمانڈ ‘ چیئرمین نیسکام ‘ سائنسداناں اتے انجنیئرز موجود ہن۔ صدر مملکت ‘وزیراعظم ‘ آرمی چیف اتے سروسز چیفس سائنسداناں تے انجنینئرز کوں کامیاب میزائل تجربے تے مبارخ ݙتی اے ۔