اڄوکے مالی سال دے پہلے 6 مہینے اچ وفاقی ترقیاتی منصوبیں تے 208 ارب روپے دا کم تھیا، اسد عمر

اسلام آباد۔21جنوری  (اے پی پی):وفاقی وزیر منصوبہ بندی، ترقی، اصلاحات و خصوصی اقدامات اسد عمر آکھیے جو اڄوکے مالی سال دے پہلے چھی مہینے اچ وفاقی ترقیاتی منصوبیں تے 208 ارب روپے دا کم تھئے۔ خمیس کوں ہک ٹویٹ اچ انہاں آکھیے جو اڄوکے مالی سال دے پہلے چھی مہینے اچ 208 ارب دا کم تھئے اے ہیں مالی سال دے 12 مہینے دے بجٹ دا 32 فیصد استعمال اے ۔ پچھلے 8 سال اچ کہیں مالی سال دے پہلے 6 مہینے اچ سالانہ بجٹ دا اے ساریں توں ودھ استعمال اے اینویں ترقی دا سفر تکھے تے معیشت اچ استحکام اے ۔