اسلام آباد۔21جنوری (اے پی پی):پاکستان ہک واری ول عالمی برادری تے زور پاتے جو علاقائی صورتحال کوں وڳاڑݨ تے جنوبی ایشیا اچ امن و استحکام کوں خطرے توں ݙوچار کرݨ تے بھارت دا محاسبہ کرے ۔ترجمان دفتر خارجہ زاہد حفیظ چوہدری خمیس کوں ہفتہ وار بریفنگ دے دوران آکھیے جو بھارتی آر ایس ایس۔بی جے پی حکومت پاکستان دے خلاف اپݨے منفی پروپیگنڈہ مہم،غیر زمہ دارانہ اقدامات اتے خطے …
عالمی برادری علاقائی صورتحال کوں وڳاڑݨ تے جنوبی ایشیا اچ امن و استحکام کوں خطرے توں ݙوچار کرݨ تے بھارت دا محاسبہ کرے ،پاکستان
اسلام آباد۔21جنوری (اے پی پی):پاکستان ہک واری ول عالمی برادری تے زور پاتے جو علاقائی صورتحال کوں وڳاڑݨ تے جنوبی ایشیا اچ امن و استحکام کوں خطرے توں ݙوچار کرݨ تے بھارت دا محاسبہ کرے ۔ترجمان دفتر خارجہ زاہد حفیظ چوہدری خمیس کوں ہفتہ وار بریفنگ دے دوران آکھیے جو بھارتی آر ایس ایس۔بی جے پی حکومت پاکستان دے خلاف اپݨے منفی پروپیگنڈہ مہم،غیر زمہ دارانہ اقدامات اتے خطے اچ امن و استحکام کوں خطرے اچ پاوݨ دی وجہ توں عالمی سطح تے بے نقاب تھی چکی اے۔ترجمان آکھیے جو عالمی برادری صورتحال دا نوٹس گھنے تے بھارت کوں اپݨے اعمال کیتے ذمہ وار ٹھہراوے۔انہاں آکھیے جو ارناب گوسوامی وا ٹس ایپ چیٹ منظر عام تے آوݨ متعلق اڄوکی پیشرفت پاکستان دے خلاف بھارت دے مزموم عزائم کوں بے نقاب کرݙتے تے پاکستان دے دیرینہ موقف کوں سچ ثابت کرݙتے ۔ مقبوضہ جموں و کشمیر دی صورتحال دے حوالے نال ترجمان آکھیے جو پنج اگست 2019دے بھارتی غیر قانونی تے یکطرفہ اقدامات دے بعد مقبوضہ کشمیر اچ مواصلاتی بندش،میڈیا بلیک آوٹ اتے انسانی حقوق دی خلاف ورزیاں 535 ویں ݙینھ وی جاری ہن ۔
