وزیراعظم عمران خان لیٹر آف ایڈمنسٹریشن وراثتی سرٹیفکیٹ دا اجرا کرݙتے

اسلام آباد۔21جنوری  (اے پی پی سرٹیفکیٹ دے اجرا دی تقریب توں خطاب کریندے ہوئیں وزیراعظم آکھیے جو مدینہ دی ریاست ہک ماڈل ریاست ہئی جیں اچ ساریں توں وݙی چیز انصاف ہئی ،مدینہ دی ریاست عوام کیتے بݨی ہئی ، مدینہ دی ریاست اچ خلیفہ وقت اپݨےاتے پیسہ خرچ نی کیتا ، خلیفہ وقت عوام تے پیسہ خرچ کریندے ہن ۔انہاں آکھیے جو اڄ عام لوکاں کیتے سوکھ پیدا کرݨ دی کوشش کیتی ڳی اے ، اصلاحات اوں ویلھے نظر آندن جݙاں عام شہری فائدہ چیندے ، عام شہری کوں سہولت مل ویسی۔وزیراعظم آکھیے جو نویںقانون دا اجرا کیتا ڳٖ ہݨ 2 ہفتے اچ سکسیشن سرٹیفکیٹ مل ویسی ، اوورسیز پاکستان وی ایں  قانون توں فائدہ چیسن ، اساݙے ملک اچ سوکھ کائنی جیں دا فائدہ چاتا ویندے ، اساݙے ملک اچ قبضہ گروپ کیوں ودھ ہن ، قبضہ اوکھے قانون دا فائدہ چیندن تے زمیناں تے قبضہ کریندن ۔ اوورسیز پاکستانیاں دیاں زمیناں تے قبضہ تھیندے تاں او بیچارے پیسے ݙے تے قبضے چھڑویندن۔انہاں آکھیے جو کرمنل جسٹس سسٹم پاکستان اچ ساریں توں اہم اے انتظار کریندا پیاں کݙاں کرمنل جسٹس سسٹم متعلق تجاویز آسن ، اساݙا کرمنل جسٹس سسٹم انصاف ݙیوݨ اچ دیر لیندے ، اساݙے ملک اچ لوکاں دی اکثریت انگلش نی سمجھدی ، جݙاں اساݙا کرمنل سسٹم بہترکم کریسی تاں جرائم گھٹ تھیسن ، انگلش اچ ڳالھ کرے توں لوک اینکوں آپدی توہین سمجھدن ۔وزیراعظم آکھیے جو وکلااتے ججز وی اصلاحات اچ آپ دیاں تجویزاں ݙیندے پئن ۔ وزیرقانون فروغ نسیم اتے انہاں دی ٹیم دی کاکردگی چنڳی اے ، امیداےتریمتاں متعلق وراثت دےقوانین اچ بہتری گھن آئی ویسی ، انتظار کریندا پیاں ایجھا قانون بݨایا ونڄے جیں اچ تریمتاں کوں ازخود حصہ ملے۔