قومی اسمبلی دا اجلاس سنوار دی شام 4 وڄے تئیں ملتوی

اسلام آباد۔22جنوری(اے پی پی)قومی اسمبلی دا اجلاس سنوار دی شام 4 وڄے تئیں ملتوی کرݙتا ڳئے۔ جمعہ کوں قومی اسمبلی اچ تھر دے رکن قومی اسمبلی پیر نور محمد شاہ جیلانی اتے ٻئے مرحومین دے ایصال ثواب کیتے فاتحہ خوانی کیتی ڳئی تاں جو روایتی طور تے قومی اسمبلی اچ حاضر رکن قومی اسمبلی دے انتقال پاروں اجلاس دے پہلے ݙینھ ایجنڈے دی کارروائی نہ تھی سڳی۔ سپیکر قومی اسمبلی اسد قیصر مرحومین دے ثواب کیتے فاتحہ خوانی دے بعد قومی اسمبلی دا اجلاس سنوار دی شام 4 وڄے تئیں ملتوی کرݙتے۔