اسلام آباد۔21جون(اے پی پی)وفاقی وزیر خزانہ شوکت ترین آکھیے جو آندے مالی سال دے بجٹ اچ کوئی ݙٹ کائنی، غریباں کوں سوکھ کیتے ودھ کم کیتے ویسن، پہلی واری کوئی حکومت آئی اے جئیں غریب کیتے سوچیے۔ قومی اسمبلی اچ بیان ݙیندے وزیر خزانہ شوکت ترین آکھیے جو ایں بجٹ اچ کوئی کوڑ کائنی، اداں غریباں کوں کھاد، کسان کوں 3 لکھ روپے تئیں بغیر سود قرض ݙیندے پئے ہی، پچھلیاں حکومتاں جیڑھے بجٹ ݙتن میکوں سارا پتا اے اتے انہاں کوں وی شیشہ ہے، جیکر پہلے کھیر دیاں نہراں واہندیاں پیاں ہن تاں 20 ارب ڈالرز دا کرنٹ اکاونٹ خسارہ 2018 اچ کیویں آ ڳیا ہا، تہوں مجبوری نال آئی ایم ایف دو ونڄݨا پئےکرونا باوجود حکومت چنڳی کارکردگی ݙکھائی اے، برآمدات اتے زراعت ترقی ݙکھائی اے، اے میکوں کوڑا آہدن بھل ہین آپ کوڑے جو 11 فیصد مہانگ کوں 25 فیصد ٻݨائی کھڑن، عالمی سطح تے اشیائے خورد ونوش دیاں قیمتاں ریکارݙ سطح تے ودھین، اساں بجت اچ اینڄھے اقدامات کیتن جو غریب متاثر نہ تھیوے اتے ملکی معیشت وی ترقی کرے۔
