کرونا دے باوجود ملکی معاشی حالات چنڳے تھیندے پین، حکومت تاجراں سودھا ہر طبقے کوں ریلیف ݙیوݨ دے اقدامات کریندی پئی اے،وزیر مملکت اطلاعات میاں فرخ حبیب

فیصل آباد۔27ستمبر(اے پی پی)وزیر مملکت برائے اطلاعات و نشریات میاں فرخ حبیب آکھیے جو حکومت اپوزیشن دے مطالبے دے باوجود کورونا پاروں مکمل لاک ڈاؤن نئیں لایا جیندے نال اڄ حالات ٻنھاں ملکاں توں ودھ چنڳے ہین، کرونا دے باوجود ملکی معاشی حالات چنڳے تھیندے پین، حکومت تاجراں سودھا ہر طبقے کوں ریلیف ݙیوݨ دے اقدامات کریندی پئی اے۔ اے ڳالھ انہاں فیصل آباد اچ تاجراں نال خطاب کریندے آکھی۔ انہاں آکھیا جو کرونا دی صورتحال بارے وزیراعظم عمران خان دا موقف نویکلا ہا، جئیں بالکل لاک ݙاون نئیں لایا جو غریب اتے روزگار پیشہ طبقہ متاثر نہ تھیوے، کاروبار وی چلدا رہے اتے ویکسی نیشن وی تھیندی رہی اے، حکومت ملک اچ کاروبار دی ترقی کیتے اقدامات کریندی پئی اے، ہک کروڑ روپے تئیں قرضے ݙتے ویسن اتے وزیراعظم دی پالیسی نال کاروبار، روزگار ودھسی، ہݨ روزگار کیتے قرض دی مد اچ کہیں گارنٹی دی لوڑھ نئیں، حکومت تعمیراتی شعبہ کیتے ودھ کم کیتے۔