کراچی۔29نومبر(اے پی پی)کراچی اچ سعودی عرب اتے پاکستان وچال ہک ڈیپازٹ معاہدے تے دستخط تھین جیندے اچ سعودی عرب دی نمائندگی سعودی فنڈ برائے ترقی، اتے حکومتِ پاکستان دی نمائندگی سٹیٹ بینک آف پاکستان کیتی۔ معاہدے تے سعودی فنڈ دے چیف ایگزیکٹو سلطان بن عبدالرحمان المرشد اتے گورنر سٹیٹ بینک ڈاکٹر رضا باقر دستخط کیتے۔ معاہدے دے تحت، سعودی فنڈ سٹیٹ بینک کولو 3 ارب ڈالر رکھویسی اتے اے رقم سٹیٹ بینک دے زرمبادلہ ذخائر دا حصہ ٻݨ ویسی ڄیڑھی پاکستان دے زرِ مبادلہ ذخائر اچ ہتھ ونݙیسی۔ اے پیسہ ملݨ نال سٹیٹ بینک دے زرمبادلہ زخائر 16ارب ڈالر توں ودھ تے 19 ارب ڈالر اتے ملکی مجموعی زرمبادلہ زخائر 25 ارب ڈالر توں ودھݨ دا امکان اے۔
