اسلام آباد۔1دسمبر(اے پی پی)پٹرولیم مصنوعات تے ڈیلرز مارجن اچ ودھارے دی سمری منظور تھی ڳئی اے۔ وفاقی وزیر عمر ایوب دی زیرصدارت ای سی سی دا اجلاس تھئے جیندے اچ پٹرول تے ڈیلرزمارجن 99، ڈیزل تے83 پیسے فی لٹر ودھاوݨ دی سفارش کیتی ہئی۔ آکھیا ڳیا ہا جو پٹرول تے ڈیلرز مارجن 3.91 توں ودھا تے 4.90 روپے فی لٹر کیتا ونڄے، ڈیزل تے ڈیلرز مارجن 3.30 توں ودھا تے 4.13 روپے فی لٹر کیتا وںجے۔ سمری اچ آکھیا ڳئے جو مہانگ، شرح سود ودھݨ نال ڈیلرز دے اخراجات 100 فیصد ودھین۔ پٹرولیم ڈیلرز ایسوسی ایشن اتے پٹرولیم ڈویژن دے مذاکرات دے بعد پٹرولیم ڈویژن فی لیٹر پٹرول تے مارجن 99 پیسے ودھاوݨ دا آکھیا ہا۔ پٹرولیم ڈویژن 6 مہینے بعد ڈیلرز مارجن دا جائزہ ڳھنݨ دا یقین ݙویندے آکھیے جو ڈیلرز مارجن ودھا تے 4.90 روپے فی لیٹر کیتا ویسی۔
