اقوام متحدہ۔8دسمبر (اے پی پی) اقوام متحدہ دی جنرل اسمبلی تخفیف اسلحہ متعلق پاکستان دیاں 4قرارداداں دی اکثریت نال منظوری ݙے ݙتی اے جیں دا مقصد خطے اتے بین الاقوامی امن اتے سلامتی کوں مضبوط بݨاوݨا اے ، ایندے توں پہلے اقوام متحدہ دی تخفیف اسلحہ اتے بین الاقوامی سلامتی امور دی پہلی کمیٹی انہاں قرارداداں دے مسودیں تے اپݨی سفارشات ݙتیاں ہن ۔ انہاں قرارداداں اچ 3 قرارداداں علاقائی سطح تے تخفیف اسلحہ ، علاقائی اتے ذیلی علاقائی سطح تے روایتی ہتھیاراں دے کنٹرول دے نال نال علاقائی اتے ذیلی علاقائی تناظر اچ اعتماد سازی دے اقدامات (سی بی ایمز) جݙاں جو چوتھی قرارداد جوہری ہتھیار نہ رکھݨ آلی ریاستاں کیتے سکیورٹی کوں یقینی بݨاوݨ متعلق ہئی ۔’’جوہری ہتھیاراں دا استعمال اتے ایندے استعمال دے خطریں توں غیرجوہری ریاستاں دے تحفظ کیتے موثر بین الاقوامی اقدامات کوں یقینی بݨاوݨ ‘‘دے عنوان تے مبنی قراداد دی حمایت اچ 126ووٹ پئن مخالفت اچ کوئی ووٹ کائنی جݙاں جو 59 رکن ریاستاں ووٹنگ اچ حصہ نی ڳھدا ، ایں قرراداد دی شرائط دے مطابق جنرل اسمبلی جوہری ہتھیاراں دے استعمال یا استعمال دے خطرے دے خلاف غیر جوہری ہتھیارآلے ملکاں دے تحفظ کیتے موثر بین الاقوامی انتظامات تے جلدی معاہدےدی لوڑھ دی صدیق کیتی اتے سارے ملکاں خاص طور تے جوہری ہتھیار رکھݨ آلے ملکاں توں اپیل کیتی اے جو او قانونی بین الاقوامی اقدامات کیتے ھک مشترکہ نقطہ نظر سانگے فعال طور تے کم کرن ۔
