کساناں کوں طے شدہ ملھ تے یوریا ݙتی ویندی پئی اے، بین الصوبائی سرحداں تے سخت اکھ رکھی ویندی پئی اے، وفاقی وزیر برائے صنعت تے پیداوار خسرو بختیار دا اجلاس نال خطاب

اسلام آباد۔8دسمبر(اے پی پی)وفاقی وزیر برائے صنعت تے پیداوار خسرو بختیار آکھے جو کساناں کوں طے شدہ ملھ تے یوریا کھاد ݙتی ویندی پئی اے، بین الصوبائی سرحداں تے سخت اکھ رکھی ویندی پئی اے۔ اے گالھ انھاں فرٹیلائرز ریوو کمیٹی دے اجلاس نال خطاب اچ آکھی جیندے اچ وفاقی وزیر فوڈ سیکورٹی فخر امام وی شریک ہن۔ اجلاس اچ دسمبرکیتے یوریا دی پیداوار اتے موجودہ سٹاک دی صورتحال تے ہفتہ وار بریفنگ ڈتی گئی۔ وفاقی وزیر آکھے جو اساں روزانہ دی بنیاد تے یوریا ݙیوݨ دی صورتحال تے اکھ رکھی پئے ہیں، ضلعی انتظامیہ یوریا دی ذخیرہ اندوزی کرݨ آلیاں دے خلاف فوری کارروائی کرے اتے کاشتکاری اراضی دے تناسب نال ضلعے اچ یوریا ݙتی ونڄے۔ انھاں آکھے جو پنجاب حکومت دیاں کارروائیاں نال یوریا دا مل ڈھے گئے اتے پنجاب اچ یوریا ترسیل 64 فیصد توں ودھ تے 72 فیصد تھی گئی اے۔