اسلام آباد۔9دسمبر(اے پی پی)پاکستانی کرکٹ ٹیم دے فاسٹ باؤلر شاہین شاہ آفریدی اتے حسن علی پچھلے دور دے لیجنڈز فاسٹ بالراں “ٹو ڈبلیوز” سوئنگ دے سلطان وسیم اکرم اتے یارکر سپیشسلٹ وقار یونس دی جوڑی دا ہک سال اچ ودھ ٹیسٹ وکٹاں ڳھنݨ دا ریکارڈ تروڑ ݙتے۔ شاہین شاہ آفریدی دی تیکھی ڳیند بازی دی پورے ڄڳ اچ دھم مچی ہوئی اے ڄئیں بنگلا دیش دے خلاف ٹیسٹ سیریز اچ 10 شکار کرݨ توں بعد سال 2021 اچ ودھ 47 وکٹاں ڳھن تے 45 ٹیسٹ وکٹاں دا ریکارڈ وسیم اکرم توں کھس ڳھدے۔ وسیم اکرم 1995ء اچ 45 شکار کیتے ہن۔ ٻئے پاسو جنریٹر فیم فاسٹ باؤلر حسن علی وی وقار یونس دا ہک سال اچ 40 وکٹاں ڳھنݨ دا ریکارݙ تروڑے اتے انہاں سال 2021 اچ 41 ٹیسٹ وکٹاں پوریاں کیتن۔ وقار یونس سال 2002ء اچ 40 وکٹاں ڳھدیاں ہن۔
