فیصل آباد۔12دسمبر(اے پی پی) پاکستان اتے ویسٹ انڈیز وچال پہلا ٹی ٹوئنٹی میچ سنوار 13 دسمبر کوں کراچی اچ تھیسی۔ اے میچ نیشنل کرکت سٹیڈیم کراچی اچ تھیسی۔ ݙوہاں ٹیماں وچال 3 ٹی ٹوئنٹی میچاں دی سیرزی کھیݙی ویسی۔ ݙوڄھا ٹی ٹوئنٹی میچ 14 دسمبر اتے تریڄھا 16 دسمبر کوں تھیسی۔ ݙوہیں ٹیماں 18 دسمبر کوں پہلا ون ڈے انٹرنیشنل کھیݙسن۔ ݙوڄھا ون ݙے 20 دسمبر اتے تریڄھا 22 دسمبر کوں کھیݙا ویسی۔ مہمان ٹیم پاکستان دورہ مکمل کرݨ توں بعد 23 دسمبر کوں ول ویسی۔ قومی ٹیم اچ ٹی ٹوئنٹی سیریز کیتے بابراعظم (کپتان)، شاداب خان (نائب کپتان)، آصف علی، فخر زمان، حیدرعلی، حارث رؤف، افتخار احمد، خوشدل شاہ، محمد حسنین، محمد نواز، محمد رضوان (وکٹ کیپر)، محمد وسیم جونیئر، شاہین شاہ آفریدی، شاہنواز دھانی، عثمان قادر شامل ہوسن ڄݙاں جو ون ݙے ٹیم اچ بابراعظم (کپتان)، شاداب خان (نائب کپتان)، آصف علی، فخر زمان، حیدرعلی، حارث رؤف، افتخار احمد، خوشدل شاہ، محمد نواز، محمد رضوان (وکٹ کیپر)، محمد وسیم جونیئر، محمد حسنین، سعود شکیل، شاہین شاہ آفریدی، شاہنواز دھانی، عثمان قادر، عبداللہ شفیق (ریزرو) شامل ہوسن۔
