لندن۔17دسمبر(اے پی پی)پاکستان دے مایہ ناز وکٹ کیپر بلے باز محمد رضوان اتے انگلش سسکس کائونٹی دا معاہدہ تھی ڳئے۔ محمد رضوان آندے سال اپریل اچ دورہ آسٹریلیا دے بعد انگلینڈ اچ کاؤنٹی جوائن کریسن۔ محمد رضوان سسکس کوں کاؤنٹی چیمپئن شپ اتے ٹی ۔20 بلاسٹ کیتے دستیاب ہوسن۔ معاہدے تے محمد رضوان آکھیے جو میں خوش ہاں، کوشش ہوسی جو چنڳی کرکٹ کھیݙاں اتے کارکردگی ݙکھاواں۔ ٻئے پاسو سسکس فرسٹ کلاس کوچ ایان سیلسبری آکھیے جو محمد رضوان ڄھیں پروفیشنل کرکٹر، وکٹ کیپر بیٹر دے آوݨ نال ساݙی ٹیم ٻئی تکڑی تھیسی۔
