لاہور۔22دسمبر(اے پی پی) وزیراعلیٰ عثمان بزدار آکھیے جو پنجاب اچ سارے فیصلے صلاح مشورے نال کیتے ویندن، ون مین شو تے یقین نئیں رکھدا۔ اے ڳالھ انہاں لاہور اچ مسلم لیگ ن دے 3 ارکان پنجاب اسمبلی میاں جلیل احمد شرقپوری، محمد غیاث الدین اتے چوہدری اشرف علی انصاری نال الیندے آکھی۔ ارکان اسمبلی اپݨے حلقیاں دے مسائل، فلاح عامہ دے منصوبیاں اتے ترقیاتی سکیماں تے الایا۔ ارکان پنجاب اسمبلی وزیر اعلیٰ عثمان بزدار دی قیادت تے اعتماد کیتا اتے آکھیا جو تساں خلوص نیت نال عوام دی خدمت کیتی اے اتے سیاست اچ شائستگی، رواداری اتے شفافیت دی ریت ودھائی اے، جیویں تساں منتخب نمائنداں کوں ماݨ ݙیندے او اتے مسلے تیکھے حل کریندے او اے ٻیاں کہیں ٻئے دا خاصا نئیں۔ عثمان بزدار آکھیا جو ارکان پنجاب اسمبلی میݙے سنڳتی ہین، ہر کہیں کوں نال ڳھن تے ٹرداں جو تہاݙی عزت ہی میݙا ماݨ اے، منتخب نمائنداں دے احترام تے حرف نہ آوݨ ݙیسوں۔
