دبئی۔23دسمبر(اے پی پی)انڈر19 ایشیا کپ دے افتتاحی میچ اچ پاکستان فاسٹ باؤلرز دی تیکھی گیندبازی نال افغانستان کوں 4 وکٹاں توں ہرا ݙتے۔ آئی سی سی اکیڈمی دبئی اچ افتتاحی کچی اچ پاکستان دی انڈر نائنٹین ٹیم 53 رنز دا ہدف 16.4 اوورز اچ 6 وکٹاں تے پورا کیتے اتے میچ جیت ڳھدے۔ معاذ صداقت 14 رنز ناٹ آؤٹ، وکٹ کیپر حسیب اللہ 11 رنز نال ٹاپ اسکورر ہن۔ عبدالواحد بنگلزئی 9، محمد شہزاد اتے قاسم اکرم صفر، عرفان نیازی 4 اتے رضوان محمود 2 رنز ٻݨائن۔ افغانستان دے نور احمد 3 اتے بلال سمیع 2 کھلاڑی آؤٹ کیتن۔ ایں توں پہلے افغانستان انڈر 19 ٹیم ٹاس جیت تے پہلے کھیݙدے ہوئے احمد خان 3 وکٹاں، اویس علی 2 اتے ذیشان ضمیر دی 2 وکٹاں پاروں 23.1 اوورز اچ صرف 52 رنز تے آئوٹ تھی ڳئی۔قومی فاسٹ بالر اویس علی کوں پلیئر آف دی میچ قرار ݙتا ڳئے۔
