اقوام متحدہ ۔29دسمبر (اے پی پی):اقوام متحدہ دے سیکرٹری جنرل انتونیو گوٹیرس آکھیے جو اساں سارے رل تے 2022 کوں بحالی دا سال بݨا سڳدوں ۔ فرانسیسی خبر رساں ادارے موجب اقوام متحدہ دے سربراہ نویں سال دے پیغام اچ آکھیے جو دنیاایں امید دے نال 2022 دا خیرمقدم کریندی اے جو اساں سارے ایں سال درپیش چیلنجز کووڈ۔ 19 ویکسین دی غیر مساوی تقسیم، ماحولیاتی تبدیلی اتے ایں بارے جاری جھیڑیں ، دنیا اچ ودھدی ہوئی غربت دے چیلنجز تے قابو سڳوں۔انہاں مزید آکھیے جو اے چیلنجز نہ صرف ساݙی پالیسیاں کیتے ھک امتحان ہن بلکہ اے اساݙا اخلاقی اتے حقیقی زندگی دا وی امتحان اے جیں کوں اساں ساریں کوں رل تے پاس کرݨا ہوسی تاں جو 2022 ساری دنیا کیتے ھک چنڳاں سال ثابت تھیوے ۔
