اسلام آباد۔29دسمبر(اے پی پی)ٹیسٹ دے بعد انٹرنیشنل کرکٹ کونسل(آئی سی سی ) ٹی 20 پلیئر آف دی ایئر دی نامزدگیاں دا اعلان کیتے۔ ایں نامزدگی اچ قومی ٹیم دے وکٹ کیپر، اوپنر بیٹر محمد رضوان وی شامل ہین۔ بین الاقوامی کرکٹ کونسل(آئی سی سی ) 2021 دے 4بہترین کھݙاڑیاں کوں نامزد کیتے جیندے اچ کہیں ہک کوں ایوارݙ ݙتا ویسی۔ انہاں پلیئر آف دی ایئر چار کھیݙاڑیاں اچ محمد رضوان، انگلینڈ دے جوز بٹلر، سری لنکا دے ہسارنگا اتے آسٹریلیا دے مچل مارش دے ناں ہین۔ محمد رضوان ٹی 20انٹرنیشنل دے ہک کلینڈر ایئر اچ وب توں ودھ رنز ٻݨائن۔ ایں توں پہلے آئی سی سی ویمن کرکٹر آف دی ائیر دی نامزدگیاں دا وی اعلان کیتے جیندے اچ پاکستانی کرکٹر فاطمہ ثناء دا وی ناں آعے۔ ٻنھاں کھیݙاڑیاں اچ انگلینڈ دی ٹیمی بیومونٹ، آسٹریلیا دی اوزیلی، ویسٹ انڈیز دی ہیلے میتھیوز شامل ہین۔
