اسلام آباد۔29دسمبر(اے پی پی)وفاقی وزیر برائے نیشنل فوڈ سکیورٹی اینڈ ریسرچ سید فخر امام آکھیے جو حکومتی اقدامات موثر ٻݨاوݨ دی لوڑھ اے تاں جو فرٹیلائزر دی دستیابی ممکن تھیوے۔ اے ڳالھ انہاں ایگریکلچر ٹرانسفارمیشن پلان دی قومی رابطہ کمیٹی دے اجلاس دی صدارت کریندے آکھی۔ اجلاس اچ سیکرٹری نیشنل فوڈ سکیورٹی طاہر خورشید، چیف سیکرٹری سندھ، پنجاب، کے پی کے اتے بلوچستان شرکت کیتی اتے اجلاس کوں اپݨے صوبیاں دی صورتحال تے بریفنگ ݙتی۔ وفاقی وزیر آکھیا جو ھکومت زرعی ترقی تے ودھ توجہ فیندی پئی اے، پی ایم پیکج دے تحت منصوبے تیکھے مکمل کیتے ویسن۔ اجلاس اچ فشریز سیکٹر دے اپ گریڈیشن پلان تے فشریز سیکرٹری پنجاب، سندھ، بلوچستان اتے کے پی کے بریفنگ ݙتی۔
