اسلام آباد۔30دسمبر(اے پی پی)قومی کرکٹ ٹیم دے کپتان اتے دنیائے کرکٹ دے اڄوکے مہاندرے بیٹر بابر اعظم اپݨے کھیݙ نال کئی اعزاز اپݨے ناویں کریندے ودن۔ ہݨ انٹرنیشنل کرکٹ کونسل(آئی سی سی ) انہوں کوں ون ڈے پلیئر آف دی ایئر کیتے نامزد کرݙتے۔ انٹرنیشنل کرکٹ کونسل(آئی سی سی )ون ڈے پلیئر آف دی ایئر کیتے 4 کھیݙاڑی نامزد کیتن جیندے اچ بنگلا دیش دے شکیب الحسن، بابر اعظم اتے جنوبی افریقہ دے ݙیوݙ میلان دا وی ناں اے۔ ایں کیٹگری اچ چوتھے کھیݙاڑی آئرلینڈ دے بیٹر پال اسٹرلنگ وی شامل ہین۔
