کراچی۔31دسمبر(اے پی پی)صدر مملکت ڈاکٹر عارف علوی آکھیے جو پاکستان کوارٹرز دے اربن ری جنریشن پلان تے ویلھے تے عمل درآمد شفاف اتے موثر طریقے نال تھیوݨا چاہیدے، بدقسمتی نال ماضی اچ نچلے طبقے کوں گھر ݙیوݨ تے کڄھ وی کم نئیں تھیا، حکومت نیا پاکستان ہاؤسنگ پروگرام دے تحت گھراں کیتے رعایتی قرضہ سکیم شروع کیتی اے۔ اے ڳالھ انہاں پاکستان کوارٹرز سانڳے گورنر ہاؤس سندھ اچ اجلاس دی صدارت کریندے آکھی۔ انہاں آکھیا جو اپݨا گھر نچلے اتے متوسط طبقے دی وݙی لوڑھ اے، حکومت دا نیا پاکستان ہاؤسنگ پروگرام اتے رعایتی قرضہ سکیم نال لوکاں دا اپݨے غھر دا خواب پورا تھیسی۔ ایں موقع تے صدر مملکت کوں پچھلے اجلاساں اچ فیصلاں تے پیشرفت دا وی ݙسایا ڳیا۔ اجلاس اچ گورنر سندھ عمران اسماعیل اتے وزارت ہائوسنگ و تعمیرات دے حکام وی شرکت کیتی۔
